投資者日記武裝衞檢隊 -- 皮蛋．黃．在家

[ Show ]

Support VoyForums

[ Shrink ]

VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: 1, 2, [3], 4 ]

[ Next Thread | Previous Thread | Next Message | Previous Message ]

Date Posted: 03:28:44 06/24/03 Tue
Author: x
Subject: 投資者日記武裝衞檢隊

6月23日，周一。綠化郎膽敢話我地戰勝咗沙士，我老曹飲茶方回，茶客甲電話便至，話佢聽D做醫護界嘅老友話，佢地對此大大大大不滿，話綠化郎係咪要「前線醫護人員戰至最後一人」都話打勝仗？其實此役香港是大敗，連慘勝都講唔上，無論死亡醫護人員同病人，都創咗世界最高之人均紀錄也，呢項紀錄已令綠化郎領導的班子特別係炮仗楊同雞癡陳蒙羞！

亞洲乾淨之都有望矣

　　今午茶座，甲話佢嗰日話組織港防部以解決香港失業，見報之日畀公司班同事笑佢頭大冇腦，佢夫人仲專登為此打電話鬧佢添，事關北京點肯制，而財赤咁厲害邊有蚊年購買火箭大炮；佢諗落自己都係因為太急於為香港謀出路而有D過態，但好在香港冇港防軍，唔係依家派唔派戰艦去保護D香港保釣人士？睇落仲麻煩，都係唔好去諗佢罷啦。不過，茶客甲曰，我地又豈能坐以待斃，睇見香港搞到咁慘，作為市民一分子，都要幫政府諗條殺食嘅計仔至得。眾神默默，顧住飲食，唔敢開聲，冇計也。甲於是道，佢又度到一條妙計，此乃由炮仗楊嗰個部門組織一支人數以萬計之「衞生突擊檢查隊」，二十四小時巡視港九新界之通衢大道、橫街陋巷，甚至上樓查屋簷驗天棚，至於有冇人丟煙頭、拋手巾、向街心巷內倒垃圾污水及有漬水，當然要目及到實，更要眼看四方耳聽八面以捉放飛劍者。咁做有乜好處？好處多矣，其一係提高整個香港之衞生水準，遲吓畀人選做亞洲最乾淨之城市都有份；其二係有咗罰款條例，逢捉必罰、逢罰必重，子曰，寓禁於罰，此之謂歟！D被罰款者不准以監代罰，佢地若冇蚊年，可直接從其人工、綜援金中扣除！眾曰，咁做太過D噃，D人武力反抗都有可能。甲曰，呢層佢都諗過，為咗保護突擊檢查隊員之人身安全，佢地除咗必須三幾人一組之外，尚須佩戴非大殺傷力武器，如胡椒噴射器之類，即「衞生突擊檢查隊」之上可加「武裝」二字，咁既可收威懾作用，亦使佢地執法行街時比較安全。佢話，政府可把物質誘因制引入，即捉得人多罰得蚊年多花紅便多，佢希望「武裝衞生突擊檢查隊」因而可以自負盈虧，若做唔到，有若干億赤字又有乜關係，事關政府財赤近千億，若干億乃唔覺眼之小數目也。眾茶客至此轟然叫好，咸稱妙計，一旦落實，失業率必直線下降而香港之清潔程度則背馳矣。

明剃綠化郎眼眉

　　聽講中銀主動與金管局接觸，要求金管局協助收回阿寶簽名嘅鈔票，改由和廣北簽名新鈔代替，最先係二十打啦鈔票，然後係其他面值鈔票，真唔真呀？

　　响聯儲局開會前一天，好友紛紛獲利回吐，今天恆生指數跌196點，收9734點，明剃綠化郎眼眉；成交八十三億七千九百萬元。6月期指出現低水，收9720點。今天跌幅集中响大藍籌股，至於二線股仍然個別發展。5、6月份散戶入市大戶派貨，唔少二線股三年一潤（即每隔三年炒一次），呢回接貨者如冇及時獲利回吐，要等三年才再炒第二回（上一次炒二線股熱潮係2000年）。

　　中國人民銀行上周推出嚴控房地產信貸政策，令中國三萬多家地產發展商面臨十年內最嚴峻考驗，銀行及地產界人士指出，半數發展商七成資金來自銀行貸款，依家問題貸款高達一千八百二十三億六千多萬元，一旦收緊信貸，估計有一半地產商唔掂，七成以上項目爛尾。截至今年4月，中國商業銀行房地產貸款一萬八千三百五十七億元人民幣，其中個人住房貸款九千二百四十六億元人民幣，發展商九千億元人民幣。

國內地產商現金流被截斷

　　6月13日中國人民銀行宣布建築施工企業貸款所得流動資金不能用於蓋房，而且買地的錢不能靠銀行貸款。只有主體結構封頂後才能對購買人發放貸款，上述政策十分合理，香港銀行一早採用，問題係國內房地產發展極不合理，例如阿正就係向銀行借錢買地。至於主體結構封頂後才對購房人發放貸款，即銀行不能按樓花，香港由於地產商財雄勢厚，買樓花後即供，由自己公司屬下財務公司做，到入伙後才轉畀銀行，國內地產商財力同香港比有DD不如，呢一招一出，差唔多等於完全地、徹底地、絕對地切斷地產商嘅現金流，估計70％項目將無以為繼，國內房地產熱潮立即跌至冰點。上海朱有言在先，業者當佢冇到，依家是自討苦吃！

　　均來（396）事件後，特區政府考慮修訂《樓花合約條例》，畀小業主有優先合法業權，只係如此一來，銀行權益冇乜保障。依家本港發展商以建築進度作抵押而取得銀團貸款そ做法，可能令銀行感到唔安心（因小業主權益在銀團之上），令發展商日後不易再按建築進度而取得銀團貸款，影響發展商そ現金流。

　　5月份失業數字二千三百一十一宗，較4月份升7％，估計今年第三季本港失業率見乃吾巴仙或直指や吉圖；破產數字進一步急升已可預見。過去破產人士大部分來自信用卡使過龍，令人擔心そ問題係隨著失業率上升，破產人士來自負資產階級的趨勢在上升中，即使今年第三季起破產宗數可能減少，但涉及銀碼上升，因為信用卡破產銀碼一般只有幾十萬元，但負資產階級破產講親都幾百萬。因此我老曹對投資銀行股前景有保留。

　　5月份CPI較一年前跌2.5％（4月份跌1.8％），其中耐用品跌幅最大，達7.8％（衣履7.7％、雜項4.1％、住屋3.4％、出外用膳1.5％、食品1.4％、交通0.6％），但電力、燃氣及水卻升10.7％，主要係去年4月起政府寬減水費及排污費，但今年4月已結束，睇嚟通縮壓力在加強而非下降。

　　7月1日起大幅放寬深圳工商業人士尤其係個體企業人士來港簽證，7月1日後深圳個體戶自由進出香港。有人擔心7月1日後本港治安可能惡化及黃色事業可能更趨蓬勃，事關好多娛業界人士乃個體戶也。

　　美國第二季GDP增長率唔會比第一季1.9％好得幾多，美國經濟仍然係so far so good！雖然戰爭憂慮第二季已消失，利率已降至四十五年內低位，但失業率高企，不然亦毋須再減息去刺激下半年經濟。5月份CPI升幅只有1.6％，應可支持另一次減息四分一厘。不過，投資回報不但只計利息成本，更大程度係資本升值或貶值，投資並非因為利率下降，而係因為資本回報可觀，呢方面涉及供求及價格因素，所以我地投資增長股。另一個問題係6月25日後格蛇仲有幾多子彈阻止CPI見絲路甚至負數？日本過去四年利率已接近零又如何？如美元利率亦走向零，相信較日本更麻煩，因為外資必然拋售美元資產調錢返國，形成全世界貨幣兌美元升值。

熊市烙印不能霎時消除

　　港股2000年3月開始的熊市反彈2000年7月見頂，2001年的反彈5月見頂，2002年的反彈5月見頂；今年反彈會否6月份見頂？至於3月11日開始美股反彈（恆生指數4月25日開始反彈）能否持續到第三季？美股反彈背後理由係伊拉克戰爭勝利、聯儲局減息、政府減稅尤其係減股息稅及資本升值稅15％，估計4月份起，美國投資者最少投入二百二十億美元資金。

　　1950年至今，每年5月至10月美股平均升幅只有0.1％；反之，11月至今年4月美股平均升幅卻高達8％，因此有Sell in May之說。今年政府做咗咁多嘢，可能將反彈市延長一個月，但能否一直延長到第三季？Thomson First Call估計，今年企業純利升幅12.5％，大部分來自節省成本開支，而非業務增長。自1945年至今，出現類似今年的反彈共十六次，平均升幅25％，冇乜大不了，因為大趨勢仍係下跌。

　　以66年至82年連綿不斷的熊市中，出現類似反彈共六次，結果牛市到82年才出現，相信類似情況2000年開始重演，估計有多次大幅上落。三年熊市所留下的烙印唔可能一下子消除。

　　投資者可做的事係—一、選股，選純利可升20％的股份。二、玩波幅，例如低於五十天移動平均數10％以下分段吸納，高於五十天移動平均數10％以上分段沽售。三、選擇以美國經濟為主的公司，逃避以本土經濟為主的公司。不過真係知易行難。

　　北大青鳥（8095）以每股六角配售一億四千萬股，集資八千四百萬元，較上周四收市價六角六仙折讓9.09%；北京大?嚟狾𡚒餼咫U降至20.05%。

　　問博控股（8212）停牌、高寶綠色（274）、南方國際（1176）、東方鑫源（1208）停牌。

　　元征科技（8196）配售八千萬股新股，上周四收市價一元三角八仙，配售價仍在洽商中，計劃集資一億一千萬至一億一千四百萬元。

　　奧瑪仕（959）四百股合併為一股，買賣單位由二萬股改為五千股。

　　華智（8065）、華園（2349）6月25日上牌。

　　沿海物業（1124）改名沿海綠色家園，6月23日生效。

　　倍可集團（1190）、中華數碼信息（1197）、東寧高科技（606）、福海集團（181）、海暉國際（269）、金匡（286）、I-China（240）及裕豐國際（965）已委任臨時清盤人；歐亞農業（932）香港辦公室自去年11月15日起已冇任何職員；富昌（916）去年12月未審核純利二千零一十四萬七千元，由於若干合計人員被廉政公署人員扣查，全年業績延期至7月6日公布；耀榮明泰（072）停牌至公司可澄清財政狀況為止；德勝集團（1095）清盤中；金科數碼（922）董事會成員出現連番變動，至今未能公布去年業績。

　　延遲公布業績公司計有—

　　中國稀土（769）、中國特種纖維（285）、華建（479）、環球動力（231）、光訊（254）、精藝（559）、金禾（090）、長城數碼（689）、漢寶（228）、德信（758）、慶豐金（501）、新萬泰（433）、新銀（988）、裕豐及中大國際（909）。

　　大誠電訊（8003）2002/03年度虧損四千零七十三萬九千元或每股一角四點四四仙，唔派息。

　　菱控電子（8009）2002/03年度虧損三千六百四十九萬元或每股三點一四仙，唔派息。

　　創博數碼（8118）2002/03年度虧損二千二百六十六萬二千元或每股二角七仙，唔派息。

　　泓迪應用環保科技（8143）2002/03年度虧損一千一百三十七萬四千七百八十元或每股一點三八仙，唔派息。

　　や生創建（113）2002/03年度獲利六千七百四十八萬二千元，較上年度升63.4%，每股獲利二角六點三仙，末期息每股七點五仙。

　　新怡環球（1094）2002/03年度半年獲利五百一十六萬九千元，較上年度同期減少71.8%，每股獲利一點三仙，唔派中期息。

　　■新醫藥（8085）6月30日公布業績。

[ Next Thread | Previous Thread | Next Message | Previous Message ]

[ Contact Forum Admin ]

Forum timezone: GMT-8
VF Version: 3.00b, ConfDB:
Before posting please read our privacy policy.
VoyForums^(tm) is a Free Service from Voyager Info-Systems.
Copyright © 1998-2019 Voyager Info-Systems. All Rights Reserved.