投資者日記上阻力唔易打破 -- 皮蛋．黃．在家

[ Show ]

Support VoyForums

[ Shrink ]

VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: 1, 2, 3, 4 ]

[ Next Thread | Previous Thread | Next Message | Previous Message ]

Date Posted: 01:00:04 09/20/03 Sat
Author: 曹Sir
Subject: 投資者日記上阻力唔易打破

9月18日，周四。今天恆生指數跌70.83，收11069點；成交一百二十四億七千八百萬元。9月期指低水，收11005點，相信9月結前大市仍然缺乏方向感，以個別發展為主。跌幅較大有石油股及化工股，理由係美國商務部考慮向中國及南韓化工產品抽反傾銷稅，加上國際油價回落，引發石油同化工股受壓。

　　萬裕集團（894）升29％，見三角三仙，公司純利升48％；天津發展（882）升5.5％，見二元九角，公司半年純利升18％；榮山國際（570）跌17％，見四角五點五仙，上半年虧損擴大至二千九百五十萬元。睇落大市仍有一段日子玩個別發展，直到散戶購買力被消耗得八八九九為止，此乃熊市二期特色。

　　如我地聽電視上的分析員或政府官員講，好易認為經濟在好轉中；但從恆生指數仍一浪低於一浪睇嚟（前浪頂去年5月17日12021點，前浪底今年4月25日8331點），便唔再咁肯定，因為牛市最起碼要求一浪高於一浪仍未達到。在熊市二期，最易賺錢そ方法係恆生指數創新低後買入（例如今年4月），在恆生指數接近前高點沽出（例如今年9月），因為熊市二期大部分在上落市中度過，走勢上可見到11500點至12000點阻力十分大，打破上阻力機會唔大。

　　升市莫估頂，跌市莫撈底，冇人知道後市結果如何。我老曹策略係9月份宜賣不宜買，但上升通道下支持未破，一切都係估估吓，直到10700點失守為止。

鋼鐵股有拋售壓力

　　駿威（203）上半年獲利六億七千四百三十三萬元，升30％，每股獲利一角九點七二仙，升27.8％；估計全年獲利十二億六千七百萬元，升14.5％，每股獲利三角七仙，?狺Q二倍，股價已反映利好一面，後市升降追隨大市。

　　踏入6月份國內鋼鐵價格在回落中，鐵桿價（包括VAT）在上海及北京跌10％，上海售三千零三十元人民幣一噸，北京二千八百八十元人民幣一噸；熱軋鋼在上海賣四千一百元人民幣一噸，北京賣三千五百元一噸；睇嚟基建業在放緩中，尤其係房地產，令人擔心鋼鐵股高潮已成過去。

　　中石油（857）因天然氣售價減1.6％，至一元二角七分人民幣一立方米，股價已回落唔少；國內鋼鐵售價跌幅較天然氣大，擔心拋售力量唔細。

　　中國8月份國企資產投資較一年前升30.7％（7月份32.3％），高檔次物業投資8月份亦減6.6％，睇嚟中國經濟進入另一調整期。

靠綜援好過搵工

　　6、7、8月份失業率8.6％，失業人數三十萬九千人，較上月減二百人，主要係商店、酒店及餐館招聘，其次係搵工做的人減少，6月份仍達三百五十九萬五千人，8月份只有三百五十一萬一千人。許多人搵來搵去搵唔到符合自己條件的工作，索性唔再搵ぞ做，今時今日依賴綜援生活素質其實唔差，唔少人年紀有番咁上下，索性唔再搵ぞ做，依賴綜援的人愈來愈多，此乃政府財赤唔易收窄另一理由。

　　香港甲級寫字樓租金97年第三季開始回落，雖然已跌五分三，似乎未見底，主因係金融中心二期入伙，睇嚟寫字樓租金要到明年年底才見底，上述消息對寫字樓收租股不利。

無憂無慮自然長壽

　　日本人瑞本鄉門真（Kamato Hongo）係健力士紀錄大全中最長壽者，今年一百一十六歲，佢有齊我地被醫生認為不健康習慣，例如ナ覺冇定時，許多時一睡睡兩天，許多時又兩天都唔睡；佢亦喜歡食糖，更喜歡飲酒。問及長壽秘訣佢そ答案係「不杞人憂天！」我老曹唔否定醫生教我地そ生活方式（事實上醫生自己亦唔見得長壽），但十分同意日本人瑞的講法—所謂憂能傷身！無論生活環境係點，都應該快快樂樂地生活，但唔係叫大家唔用腦，所謂幸福非必然，人無遠慮必有近憂，因此平日應該多想，因為只有多想才冇近憂，才可快快樂樂過生活。例如97年好好思考「八萬五」房屋政策所帶來そ影響，今天便唔會成為負資產一族；98年好好思考香港一旦由物價上升期（俗稱通脹）進入物價回落期（俗稱通縮），自己應怎𠎀辦？99年科網股泡沫出現，一旦爆破怎𠎀辦？2000年科技取代人手將令失業率上升，影響如何？自己做咗準備工夫未？2001年美國減息情況下，如何將自己そ定期存款轉移，不但不因美元匯價回落而受害，反而從中獲利？去年美國大企業會計醜聞下，應否持有黃金？今年如何在自由行及落實CEPA中獲利，呢D措施真正影響如何？依家應該思考そ係，明年阿殊在大選中勝出又如何，落敗又如何？踏入第四季，應為明年未雨綢繆，在阿殊的「大炮與牛油」財政預算案下，美元此種紙幣長遠而言又如何？今年美國收支赤字已破晒紀錄，美元匯價仍能維持係基於信心，但歷史告訴我地「信心」並唔可靠，詹森總統答應美國人打贏越戰及貧窮，結果越戰令美國人愈來愈窮；阿殊夠話佔領伊拉克後油價可回落，結果又點？大人物通常over promise under deliver！

　　經濟在美國政府巨額財赤下復甦（香港情況何嘗唔係），但失業率如何？由於係結構性問題，未見解決曙光，美國透過壓低利率增加軍費開支，令美股去年10月起反彈；香港政府亦透過退稅及自由行，令恆生指數今年5月起反彈，呢類升市可維持幾耐？8月份美國CPI升幅係三十七年內最低，只有0.3％（扣除食物同能源只有0.1％），利率已跌至四十五年內最低，CPI升幅亦咁細，美國會否步香港後塵，出現CPI負增長？一旦CPI增長出現負數，依家そ樓市興旺期便結束。美國失業率接近九年高位達6.1％（8月份又多九萬三千人失業），工業設備使用率74.6％，乃二十年內最低，以依家美國貿赤年達五千億美元，所謂繁榮到底可維持幾耐？2001年10月至今，紐元兌美元升值41％，澳元升值29％，黃金升值49％，去年起歐羅、加元等亦加入升值行列，今年4月至9月美元短期強勢完成，新一輪回落影響又如何？8月份美國CPI核心指數只升0.1％，一旦進入負數，今天那些預測明年經濟繁榮者，到時又唔知點樣自圓其說。2004年係美國大選年，市民冇興趣知道GDP上升幾多，只有興趣問點解我失業？

　　GDP乃另一騙人數字，美國GDP十一萬億美元，中國GDP一萬一千億美元唔夠，美國GDP係咪較中國大十倍？

GDP有誤導情況

　　今天中國已係世界上最大的食米、肉食、蔬菜、生果、鋅、錫及棉花生產國，亦係小麥、茶、鉛、羊毛、豆油、煤第二大生產國，鋁及能源則係第三大生產國。製造業方面，中國係全球最大的紡織品、成衣、鞋類、冰箱、電視、收音機等電子消費品、玩具、辦公室器材、電單車的生產國……。如以購買力計（PPP），美國GDP係九萬六千億美元，中國四萬九千五百億美元，即美國GDP只較中國大一倍左右；仲有，中國工業同農業仍佔GDP相當比重，美國服務業卻佔極大比重，例如近年房屋買賣中，經紀、銀行借貸、保險、房屋檢查、維修等等，都可令GDP大幅上升，但房地產交投暢旺係咪代表一個國家富有咗？呢方面香港人最清楚。97年唔少人擁有市值一千萬元住宅（其中五百萬元係銀行貸款），便認為十分富有；今年物業價值三百二十萬元（仍欠銀行五百萬元），卻變成負資產！今天連女士們去減肥瘦身，亦可令GDP上升。因此，用GDP去比較兩個國家財富，係好錯誤そ引導！

　　從各方考慮，美國並非想像中富有（佔全球GDP三十二萬億美元的三分二），中國亦非想像中貧窮，只係美國人太喜歡花錢，令服務業蓬勃，誇大GDP數字；中國人太喜歡儲蓄，令服務業同別國仍差很遠，令GDP睇起嚟好細。上述情況遲早出現糾正。

　　冠捷科技（903）停牌，主要股東出售股份；昌興國際（8139）停牌。

　　吉林化工（368）A股9月25日起恢復在深圳證券交易所買賣，公司因2000年、2001年及2002年連續三年虧損，4月30日被深圳證券交易所暫停上市，今年上半年恢復獲利二億四千零九十七萬元後重新上牌。

　　金源投資（310）核數師恆健會計師行辭任，9月1日起由羅申美會計師行代替。

　　北京控股（392）收購北控高科技17.985%股權，代價四千二百一十二萬元；北控高科技去年12月31日資產淨值二億四千九百二十七萬元，獲利一千六百五十萬元。

　　聯亞集團（458）一間中國全資附屬公司點算存貨時，發現缺失款額三千五百萬元，已委任核數師羅兵咸永道會計師協助審核，依家尚未完成。

　　匯控（005）佔99.99%股權的法國商業銀行旗下Elysees Gestion以一億二千二百四十萬元收購Elysees Fonds 49%股權。

　　嘉里建設（683）計劃收購北京一個二十九億元人民幣的房屋專案50%，該項目座落離北京中央商務區約十公里，佔地六十八方米，2009年完工。由於香港樓價已跌至十二年谷底，嘉里加快對中國房地產投資，已投入內地的資金六十七億元，佔其資產三分一；今年國內房地產營業額升50%，至六億元，上半年已達二億零三百萬元。

　　和黃（013）放棄總投資達一百億元人民幣的北京住宅開發專案，因當地政府向和黃收取土地轉讓金為和黃估計中高出二倍，和黃兩年前簽訂意向書每方米土地四千五百元人民幣，最近中央政府收緊土地轉讓為公開拍賣。

　　中國發展（487）計劃改名澳門實德及接納現任核數師辭任。

　　香港中國保險出售一百一十萬股盈利保險（065），依家仍持有11.7%盈保股份。

　　盛創企業（8108）四股供一股，每股一點五仙，集資五百四十萬元，其中三百萬元用作開發短訊服務，一百萬元研究及開發ERP業務，一百四十萬元作為營運資金。

　　天津泰達（8189）執行董事何寧9月17日辭職。

　　天時軟件（8028）配售三千六百八十六萬六千股，每股二角四仙，佔擴大股本3.74%，集資八百四十萬元，其中五百萬元作為將天時技術產品化，其餘作為營運資金。

　　九方科技（8129）由萬曉麟取代陶石出任執行董事。

　　位元堂（897）一百股合併為一股，9月19日生效。

　　■德信科技（1228）、魏橋紡織（2698）、山河控股（8127）9月26日；聯洲珠寶（926）、聯洲國際（048）、太平協和（438）29日宣布業績。

[ Next Thread | Previous Thread | Next Message | Previous Message ]