投資者日記美國繼續拉牛上樹 -- 皮蛋．黃．在家

[ Show ]

Support VoyForums

[ Shrink ]

VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: 1, 2, 3, 4 ]

[ Next Thread | Previous Thread | Next Message | Previous Message ]

Date Posted: 08:19:49 09/26/03 Fri
Author: 曹Sir
Subject: 投資者日記美國繼續拉牛上樹

9月21日，周日。冷空氣南下，氣溫開始下降，至於今年港股高潮係咪已出現？好快便知道。

　　今年H股指數升49%，紅籌指數只升18%；上海A股只升3%，B股更跌13%（如以今年4月為分界線，兩者更為極端，QFII今年5月落實外資可買A股的消息反而引發國內A股回落，產生本港H股上升潮，再次證明好消息應出貨理由正確！）。至今為止，H股?狺w升到十二倍，市價係賬面值一點三倍；上海A股?狺T十六倍，市價是賬面值二點七倍。近期油價回落，令中石油（857）、中海油（883）、中石化（386）、北京燕化（325）等股價回落，引發H股，基於兩地?珖t距，加上年底前極有機會落實QDII，相信調整一段日子後本港H股仍會上升，內地A股仍會回落。

　　「Buy the panic, sell the euphoria！」係我老曹嘅投資策略，2001年「九．一一慘劇」後建議各位入市，理由係其他人陷入恐慌；去年5月建議沽出，係因為太多分析員因恆指升破二百五十天線而誤會牛市重臨！去年10月又係另一入貨機會，因為太多美國大企業受會計醜聞影響！至於今年沙士事件，令投資者4月份陷於歇斯底里，因此應該買入；9月自由行、十、一黃金周，又令投資者進入莫名奇妙興奮，所以係最佳沽出月份。

購物狂散戶註定失敗

　　各位如要在股市內炒短線，其中較有效係十天線與五十天線交叉，即十天線一旦高於五十天線便買入，一旦低於五十天線便沽出，只係利用此方法，已打贏唔少所謂專家！其他種種分析技巧都係易學難精。散戶常犯錯誤有：一、冇訂下入市及離市計劃，大部分輸家係以耳代目、聽消息的盲俠聽聲劍！二、有錢便想投資，唔理會時機是否適合。三、Overtrading，唔少缺乏經驗者急急入市，一旦有小損失又立即止蝕，然後又買第二隻，買股票如入超級市場執貨，執埋一大堆自己平時好少用嘅嘢，放得幾個月又全部丟清，再去超市再買過，呢類「購物狂」散戶注定失敗。四、睇報紙頭條去入貨，忘記「謠言買入，消息出街沽貨」，消息已在報紙刊出，乃好消息出盡應沽貨而非入貨。五、左諗右諗等個市升咗幾個月才問買乜嘢，例如唔少散戶4月拒絕入市，5月拒絕入市，6月拒絕入市，本來都冇問題，但到咗9月見別人賺錢，終於忍唔住入市，初期賺5%到10%好開心，然後得意忘形，成個身瞓落去，咁就ditto，係咁先！

　　各位如係上述人物，請記住「R」呢個字，Risk VS Reward！有人話高風險高回報、低風險低回報，其實係錯誤觀念，低風險往往帶來高回報（去年1月至今揸外幣存款便是），高風險才帶來低回報（去年1月至今炒股票者，問問幾多人真正賺錢？其感覺只係玩過山車，刺激就有，升幅就冇）。

　　我老曹再強調一次，炒短線乃極之專業行為，非一般散戶想像中咁易，散戶不笨，只係自視過高！

　　戰後經濟增長主要由美國帶動，到1966年美國已有D不支，要依賴印鈔票支持。71年美元不支，加上73年石油危機，74年出現一次世界經濟大衰退。75年起出現「三個火車頭」論，即日本及德國經濟已由戰後復甦，可以同美國輪流擔當世界經濟火車頭，例如75年起至90年呢段日子主要由日本同西德經濟帶動世界經濟，90年美國重新做番火車頭帶動世界經濟增長。問題係90年至今西德與東德合併，然後出現歐盟，至今德國再無法擔當火車頭；至於日本亦問題多多，90年至今一直係咁衰，到依家衰夠未，真係木宰羊。

中國經濟ⅲ唔起全世界

　　至於美國呢個火車頭，到2000年亦過熱死火，2001年聯儲局開動後備電池（減息）勉強頂住三年，但美國經濟負債數字已佔今年GDP 5%，即接近崩潰邊緣，理論上應讓美國經濟休息，奈何至今仍未有一個大國可以重新擔起火車頭任務，美國只有繼續「拉牛上樹」（夾硬嚟），因為一旦呢個火車頭死火，全世界經濟將沒有亮點。有人甚至認為，2001年至今年6月美國一再減息，已是在燃燒最後的燃料，一旦死火，三幾年將難再次進入另一經濟繁榮期！至於中國，依家GDP仍太細，帶動香港經濟尚可，要中國做世界經濟火車頭，情況有如細路仔ⅲ大人行街，真係行得兩步已跌親！

　　小泉在六百五十七票中獲61%支持而連任首相，並宣布周一將提出清理日本銀行三千八百四十億美元壞賬的方案。

　　G7上周開會，指摘中國自94年起將人民幣訂在八點三兌一美元水平，以令GDP保持8.3%年增長率，日本、南韓、泰國、印尼、台灣等今年都拋售當地貨幣吸納美元，以壓低當地貨幣匯價去刺激出口，令美國連續三十七個月出現失業率上升。美國國會正研究向中國產品抽入口關稅，除非人民幣重新自由浮動，但中國人民銀行副行長對上述意見不表贊成，並指因為中國已答應一步步將人民幣匯價自由化，但不能交出時間表。外界睇法係，呢次杜拜會議類似十八年前的華都協議，げ次只係指摘日圓匯價偏低，今次指摘人民幣匯價偏低，認為人民幣最少應升值20%。

　　一般人搞亂咗部分理念—「選舉」唔等於「民主」，選舉只係一種制度，目的係選出賢能之士擔當重要職位，例如在我地應否殺雞之時表達一下意見。民主精神係政府由人民授權組成（by the people），目的係為人民服務（for the people），所以人民有解散政府的自由及另組新政府的自由（of the people），達到以上三點，才係民主政府！如果只有選舉制度而缺乏上述理念，便好易選出「派糖派」，一味派糖爭選票，結果將國家經濟弄垮了，又或者如希特拉獲選後解散國會，武裝人民去侵略別國，當時德國人民無法解散政府而另組新政府，結果禍及全人類。請記住，過分的社會福利或過分的擴軍，都對政府財政預算造成壓力，最後逼使政府一步步走向獨裁統治。

　　大炮與牛油兩者都可令GDP出現增長，但大炮最終目的係用來破壞財富而非增加財富，只有增加牛油供應，人民財富才真正增加。令人洩氣的是，美國第二季GDP增長一半來自軍事工業！今天美國政府已面對六萬七千億美元負債，同時新債以每天十七億美元速度上升，美國係咪漸漸走向窮兵黷武？如果係嘅話，美國經濟係咪早已出現「最後的繁榮期」？未來美元匯價怎樣？

　　美國政府每星期為金融體系注入二百億美元去對付通縮（正確D講係阻止CPI增長出現負數），能成功咩？我老曹擔心最後結果只係摧毀美元的價值。事實上，去年1月至今，美元兌歐羅已失去27%市值，兌紐元失去39%市值，兌瑞郎失去22%市值，兌加元失去18%市值，兌黃金失去36%市值……。至於美股又點？去年1月至今美股回落5%（期間大落然後大上），恆生指數亦只係有波幅冇升幅！換言之，過去十八個月股票市場只提供炒賣機會，而非投資機會，反而外匯市場及黃金市場才係揸家市場！

金價走向繫於央行決定

　　99年夏季英國財長決定出售英倫銀行手上黃金儲備50％時，金價係二百五十二美元；四年後今天人人等候歐洲各中央銀行執行99年所簽的《華盛頓條約》（每年賣金四百噸，至2004年9月止），其中最有影響力係德國中央銀行，係十五個簽約國中擁有最多黃金，共三千四百四十噸，僅次於美國。如十五國下周同意延長有關條約五年，將對短期金價構成壓力；反之，10月份金價便開步走！至於新加入歐盟的歐洲國家例如希臘，由於只擁有三百噸黃金，影響力有限。99年歐洲中央銀行達成每年售金四百噸的協議，理由係過去二十年持有黃金不但冇收益，反而面對金價一再回落；令佢地尷尬嘅係，自從佢地決定每年售金四百噸後，過去五年金價上升50％！分析家指出，除非歐洲各央行決定未來五年每年售金五百噸或以上，不然阻不了10月份金價上升！

　　其中一項因素係，G7希望亞洲各國貨幣升值，尤其希望人民幣不久將來升值20-25％，依家只透過外交進行並非施壓；不過如中國政府唔合作，美國計劃向中國貨抽稅27%；另一方面，便是要求歐洲各國承擔伊拉克重建部分費用。上述兩項都係十分敏感項目，可同時引起亞洲及歐洲國家對美國反感。

石油股宜減持

　　我老曹認為，美國佔領伊拉克後油價應反覆回落，甚至由三十三美元回落至二十五美元一桶仍然唔夠，因此我老曹甚至認為股聖畢非德購入中石油並非智者之選，誰知油價今年5月至8月反彈由二十五美元上升到三十一美元，引發炒石油股潮，我老曹承認當時對油價睇得太淡而冇在過去幾個月向大家推介油股。今天油價已回落到二十六點六美元，後市又點？油價走勢上形成敏感三角形，如二十六美元失守將大跌，反之又可回升。雖然在可見將來伊拉克亂作一團，此乃5月到8月油價上升之理由，但俄羅斯及其他國家在增產中；各位唔好忘記，98年至今OPEC已成功將油價由十一美元一桶推高至三十三美元，我老曹意見係石油股宜減持而非增持（買賣石油股應睇油價而非?狺峸妓v），雖然上述睇法同畢非德相反。

　　以下有些有趣數字可供各位茶餘飯後佐談：參加第二次世界大戰仍生存的美國軍人現在仍超過六十萬人，當佢地下葬時，國家必須致送一個軍號角陪葬，代表佢地曾英勇參軍，但今天上述軍號只有四百個。以目前美軍在伊拉克死亡速度，擔心好快第二次世界大戰參軍的美國退休軍人死時唔再「光榮」（唔夠軍號角陪葬），又或者叫中國廠家趕製一批應市。不過，美國軍人死時如以「made in China」軍號角陪葬，世界便認真幽默！

　　■上周五9月19日，本欄上市公司業績及派息表內，所列永旺百貨（900）應為AEON（900），合此更正。

[ Next Thread | Previous Thread | Next Message | Previous Message ]